Resultados dos galegos no Campionato de España Alevín de Tenis 2023
Do 18 ao 25 de xuño celebráronse na Academia Emilio Sánchez de Barcelona os Campionatos de España de Tenis Alevín 2023, tanto individuais como dobres.
A selección galega dirixida polos adestradores Miguel Ángel Domínguez (Codesal) e Imanol Zarandona (Mercantil de Vigo) estivo integrada polos seguintes xogadores:
Equipo feminino:
- Ariadna Pazos (CC. Mercantil de Vigo)
- Lucía Couso (Club de Tenis Rial)
- Lenda Vázquez (Club de Tenis Ponteareas)
- Màire Grace Ryan (Club de Tenis Coruña)
- Laura López (Club de Tenis Coruña)
- Yaiza Quián (Club de Tenis Coruña)
Equipo masculino:
- Levi Domínguez (Club de Tenis Codesal)
- Vinicius Costa (CC. Mercantil de Vigo)
- Javier Orge (Club Tenis Redondela)
- Leo Sánchez (Sporting C. Casino Coruña)
- Daniel De Diego (Casino Ferrolano)
- Thiago Salgado (Club de Tenis Coruña)
- Jaime Álvarez (Club de Tenis Coruña)
Tras unha interesante fase de grupos, Leo Sánchez puido rematar primeiro do seu grupo e pasar ao cadro final, onde non puido superar ao estremeño Javier Navarrete.
Leví Domínguez e Mai Ryan quedaron a unha vitoria de chegar ao cadro final.
En dobres tamén houbo partidos igualados. Os dobres formados por Leví Domínguez e Leo Sánchez puideron pasar unha rolda.
Un gran esforzo de todos os rapaces, que suman unha gran e enriquecedora experiencia.
Grazas aos capitáns, xogadores e pais polo esforzo.