Noticias
22/04/2026
Federativas
Martín De la Puente logra outro dobrete en Seúl
Martín De la Puente é imparable, tras os títulos acadados no Open de Georgia e Daegu, conseguiu gañar as dúas modalidades do WC500 Seúl – Seúl Korea Open, celebrado do 14 ao 18 de abril en Korea.
Na competición individual, o xogador vigués eliminou os seguintes xogadores para asegurarse unha praza na final:
- Oitavos – Frederic Cattaneo (FRA) 6-4 6-2
- Cuartos – Zhenxu Ji (CHN) 6-0 6-1
- Semis – Maarten Ter Hofte (NED) 6-1 6-3
O seu opoñente na final foi o británico Gordon Reid (GBR). Reid gañou o primeiro set por 4-6, pero Martín remontou gañando o segundo e o terceiro set por 6-3 e 6-2.
En dobres, formou parella con Tom Egberink (NED). Derrotaron na final á dupla formada por Ho Won Im (KOR) e Daniel Rodrigues (BRA), cun resultado de 6-3 e 6-4.