Galicia compite no V Campionato de España de Tenis por Equipos Sénior de Comunidades Autónomas

A selección galega, capitaneada por Juanma Martínez, estivo integrada por María Sicre Romero, Paula García Tenorio, Olga Fernández Catiñeira, Ana R. González Iglesias, Clemen Abalde Comesaña, Bruno Otero Afonso, Andrés Riveiro Sestelo, Jorge Pablos Benavides, José César Vilasánchez López e Jorge González Álvarez.

Na competición masculina, a selección galega caeu na primeira rolda contra a Federación de Tenis da Comunidade Valenciana, que posteriormente se converteu en campioa de España tras vencer na final á Federación de Tenis da Rexión de Murcia.

Na consolación, os veteranos galegos venceron á Federación Vasca de Tenis por 3-1 na primeira rolda, pero posteriormente perderon contra a Federación Estremeña de Tenis por 3-2.

O equipo feminino perdeu contra a Federación de Tenis do Principado de Asturias por 3-2. No cadro de consolación, as veteranas galegas non conseguiron superar á Federación de Tenis da Rexión de Murcia, perdendo por 3-1.

A participación neste campionato permitiulles aos equipos galegos competir unha vez máis xunto a algunhas das principais federacións territoriais españolas nun evento nacional que reúne os mellores equipos sénior das diferentes comunidades autónomas.