IGUALDADE LGBTI NO DEPORTE: DECÁLOGO E CANLE DE DENUNCIAS
O Observatorio galego contra a discriminación por orientación sexual e identidade de xénero, coordinado pola Consellería de Política Social e Igualdade, e no que están representados diferentes consellerías e departamentos da Xunta, representantes da Fegamp, universidades, sindicatos e asociacións, elaborou en febreiro de 2023 o "Informe diagnose sobre a situación do colectivo LGBTI no deporte galego", que servirá de base para a elaboración de protocolos de actuación para evitar situacións de discriminación no deporte, e para a posta en marcha de accións de sensibilización no ámbito deportivo.
DECÁLOGO POLA IGUALDADE LGBTI
O 15 de maio de 2024 presentouse o "Decálogo pola igualdade LGBTI no deporte", dirixido a toda a colectividade do deporte galego, que parte dunha clara premisa: todo tipo de corpos poden facer todo tipo de deportes.
CANLE DE DENUNCIAS
Co fin de promover un deporte inclusivo, respectuoso e libre de calquera forma de discriminación, infórmase de que as persoas interesadas poden dirixirse en caso de calquera situación de acoso e discriminación aos servizos postos a disposición pola Consellería de Política Social e Igualdade:
- Observatorio LGBTI+
- Canle para contactar ou presentar denuncias sobre discriminación por razón de orientación sexual e identidade de xénero
- Correo electrónico: observatoriolgtbi@xunta.gal
- Información sobre o Observatorio LGBTI+
- Servizo 028 Arco da Vella
- Asesoramento xurídico e atención psicosocial inmediata fronte a calquera forma de violencia ou discriminación por LGBTIfobia no teléfono gratuíto, confidencial e dispoñible as 24 horas do día, os 365 días do ano: 028
- Correo electrónico: 028-online@igualdad.gob.es e servizo028arcodavella@xunta.gal
- Información sobre o Servizo 028
- Centros Quérote+
- Atención presencial nos Centros Quérote+ de toda Galicia por teléfono ou mensaxería instantánea (647 018 752) e mediante videoconferencia (con cita previa).
- Información sobre os Centros Quérote+