INSCRICIÓN DE FEDERACIÓN

Documentación 

• Solicitude de inscrición: modelo normalizado PR946A
  • Debe estar en posesión dun NIF expedido pola AEAT para as persoas xurídicas. No caso de non dispoñer do NIF, deixarase sen cubrir este apartado e actuarase por medio dunha persoa representante, que se identificará e asinará a solicitude na sede electrónica.
  • Considérase suficiente a representación pola persoa que figura como presidente/a na acta fundacional. 
• Acta fundacional outorgada ante notario asinada, como mínimo, por trinta (30) clubs deportivos con domicilio social en Galicia, constituídos en xunta promotora.
• Estatutos asinados.
• Memoria acreditativa do cumprimento dos requisitos do artigo 54.5 da Lei 3/2012, do 2 de abril, do deporte de Galicia.
• Identificación da xunta directiva da federación: nome e apelidos, NIF, teléfono e correo electrónico. Debe estar asinado por cada membro como aceptación expresa do cargo.
  • Modelo (formato odt)
• Protocolo aprobado de protección dos nenos, nenas e adolescentes fronte á violencia no deporte. 
• Autorización para a comprobación de datos (anexo II).  
• Código de bo goberno.
• Documento acreditativo da representación, no seu caso.
• Xustificante do pago da taxa (código 30.02.00). O pagamento da taxa poderá realizarse:
  • Na sede electrónica, como un dos pasos da tramitación en liña no procedemento PR946A.
  • En calquera das oficinas bancarias habilitadas pola Consellería de Facenda e Administración Pública, coa presentación do documento de pago correspondente, ou ben a través da sede electrónica da Axencia Tributaria de Galicia (Oficina Virtual Tributaria: acceso directo a iniciar taxa). Neste caso, deberá cubrirse cos códigos que se indican a continuación e achegar o xustificante de pago coa solicitude PR946A.

Códigos das taxas 

• Consellería 
  • Consellería de Presidencia, Xustiza e Deportes: 04
• Delegación 
  • Servizos Centrais: 13
• Servizo
  • Secretaría Xeral para o Deporte: 06
• Taxa
  • Inscrición no rexistro: código 30.02.00. Importe: 10,47 euros

*Tarifas de taxas vixentes segundo a Lei de orzamentos xerais da Comunidade Autónoma de Galicia de cada ano.

Envío da solicitude de inscrición

A solicitude de inscrición (PR946A) debe dirixirse a: 

• Consellería: Consellería de Presidencia, Xustiza e Deportes 
• A12024281 - Secretaría Xeral para o Deporte