Alertas meteorolóxicas

A Comisión de Alertas Meteorolóxicas Deportivas é o órgano encargado de adoptar as medidas que procedan ante situación de risco e tomará as decisións en base aos partes de alertas meteorolóxicos emitidos pola Axencia Estatal de Meteoroloxía (Aemet) e polo servizo meteorolóxico rexional (MeteoGalicia) monitorizando a súa evolución por se corresponden novas decisións en función do fenómeno, nivel de alerta, zona xeográfica afectada e franxa horaria.

A comunicación de suspensión da actividade deportiva será realizada mediante medios electrónicos e a través das redes sociais pola Secretaría Xeral para o Deporte coa maior previsión posible, sendo os destinatarios das comunicacións a Unión de Federacións Deportivas Galegas (Ufedega), as federacións deportivas de Galicia, as agrupacións deportivas escolares afectadas, así como as instalacións deportivas dependentes da Xunta.

As medidas adoptadas serán de aplicación a:

• Actividade federada das federacións deportivas galegas
• Actividade do programa Xogade
• Actividade propia (complexos de Monterrei, Centro galego de tecnificación deportiva, pavillóns polideportivos a Coruña: Elviña II, Agra II, Monte Alto e Monte das Moas)

Os axentes deportivos terán á súa disposición as recomendacións para achegar a todo o tecido deportivo. 

Documentos relacionados:

• Protocolo da Xunta de Galicia para actuacións no ámbito deportivo federado ante alertas meteorolóxicas (.pdf 1.77 MB)
• ANEXO de zonas xeográficas (.pdf 1.06 MB)