Vigo Tennis Open 2026

O Vigo Tennis Open 2026, torneo internacional ITF World Tennis Tour Juniors J200, concluíu este domingo nas pistas do Complexo Deportivo Municipal de Samil cos títulos individuais para Simone Massellani (Italia) e Keisija Berzina (Letonia).

No cadro masculino, Simone Massellani coroouse campión tras vencer na final ao británico Mark Ceban por 6-3 e 6-0, realizando unha sólida actuación para facerse co título en Vigo.

No cadro feminino, Keisija Berzina gañou o título tras derrotar á xogadora suíza Noelia Manta, segunda cabeza de serie, por 7-5 e 6-4.

Berzina tamén triunfa en dobres

A xogadora letoa tamén culminou unha excelente semana co título de dobres, facendo parella coa húngara Anna Mihalka. Derrotaron ás españolas Lucía Rodríguez e Carla Vázquez Alcudia na final por 4-6, 6-4 e 10-5.

Así, o Open de Tenis de Vigo 2026 pechou a súa edición cunha xornada final que puxo fin a unha semana de competición internacional en Samil, reunindo novas promesas do tenis mundial na categoría júnior.

Lista de campións:

Individual masculino

• Campión: Simone Massellani (ITA)
• Finalista: Mark Ceban (GBR)

Individual femenino

• Campioa: Keisija Berzina (LAT)
• Finalista: Noelia Manta (SUI)

Dobres masculinos

• Campións: Luca Cosimi (ITA) / Mattia Logrippo (ITA)
• Finalistas: Stan Put (NED) / Dominik Vagner (CZE)

Dobres femininos

• Campións: Keisija Berzina (LAT) / Anna Mihalka (HUN)
• Finalistas: Lucía Rodríguez (ESP) / Carla Vázquez Alcudia (ESP)