Nova
01/10/2019
Federativas

Tecnificación Provincial 2019-2020

A Federación Galega de Tenis pon en marcha, un ano máis, o programa de tecnificación provincial onde se ofertan bolsas de adestramentos a xogadores e xogadoras que queren progresar no tenis. O ano pasado foron 150 nenos e nenas os que se viron beneficiados deste programa.       

Na seguinte ligazón poderán consultar as datas/horarios/sedes para realizar as probas de avaliación (renovacións da pasada tempada) e das probas de acceso (para xogadores e xogadoras que se queren incorporar ao programa esta tempada).

 

Pica aquí ---> Listado de probas de avaliación e probas de acceso

En caso de non poder asistir ás probas nese horario, deben comunicalo por correo electrónico a carloscoira@fgtenis.net para ver a posibilidade de asistir noutro horario (só por causas debidamente xustificadas)

 

Probas de acceso:

  • Probas técnicas:
  1. Golpes de fondo dereita/revés buscando profundidade.   
  2. Golpes de fondo dereita/revés paralelos e cruzados.
  • Probas físicas: Lanzamento de balón medicinal, salto horizontal, velocidade (20m.), axilidade (abanico).

 
-------------------------------------------------------------------------------------------
 

O programa constará de dous partes:

  1. Período de adestramentos (de outubro a xaneiro):

Realizaranse 12 sesións de 1 h:30 min, que poderán ser adestramentos en pista ou charlas sobre diferentes temáticas (valores, regulamento, psicoloxía, preparación física…).

A cada xogador asignaráselle un grupo acorde á súa idade/nivel na zona máis próxima (A Coruña, Santiago, Ferrol, Lugo, Vigo, Pontevedra, Ourense), todos os adestramentos realizaraos nesa zona.

Clubs de adestramento: Realizaranse rotacións entre os clubs sedes de cada zona.

 

2. Período competitivo (febreiro a agosto):

Os xogadores e xogadoras deberán participar en polo menos 3 probas do Circuito  Babolat, sendo unha delas o Campionato Galego da súa categoría.

Para poder acceder ao programa necesítase superar unhas probas de acceso e cumprir os seguintes requisitos:

  • Benjamines e Alevíns: realizar 3 horas de adestramento semanais nos seus clubs.
  • Infantís, Cadetes e  junior: realizar 4 horas de adestramento semanais nos seus clubs.
  • Ter licenza federativa e estar empadroado en Galicia.
     

Máis información sobre o programa de tecnificación provincial (PROGRAMA)