A Xunta anuncia as axudas para deportistas, técnicos e árbitros de alto nivel que, sumadas ás concedidas polos Xogos de París, acadan 736.500 euros en 2024
Deste xeito, a contía total das axudas concedidas ás persoas deportistas do alto nivel ao longo deste exercicio volve rachar o teito histórico e supera o investimento realizado en 2023, cando se destinaron preto de 726.500 euros entre as axudas de deportistas, técnicos e xuíces
Santiago, 29 de novembro de 2024.- A Xunta de Galicia, a través da Fundación Deporte Galego da Secretaría Xeral para o Deporte, vén de anunciar a convocatoria de axudas DGAN – TAXAGAN para deportistas galegos de alto nivel, así como técnicos, adestradores, xuíces e árbitros de alto nivel 2024 que terán un orzamento de 300.000 euros. Estas axudas beneficiarán aos deportistas de alto nivel con recoñecemento en vigor nalgún momento dos anos 2023 e 2024, en función dos seus resultados.
Como novidade, cómpre mencionar que será a primeira vez que as axudas para persoas deportistas, técnicas, adestradoras, xuíces e árbitras de alto nivel serán resoltas na mesma convocatoria, en lugar de facelo en dúas convocatorias separadas como no exercicio 2023, que foi o primeiro no que se concederon as axudas TAXAGAN. Os técnicos, adestradores, xuíces e árbitros foran recoñecidos no alto nivel grazas ao novo decreto de 2020.
No caso dos deportistas galegos de alto nivel haberá sete tipos de axudas: DGAN 1 (ata 8.000 euros); DGAN 2 (ata 6.000 euros); DGAN 3 (ata 4.000 euros); DGAN 4 (ata 2.000 euros); DGAN 5 (ata 1.000 euros); DGAN 6 (ata 1.000 euros) e Deportista de Apoio/Guía (100% da axuda ao deportista DGAN). No caso dos técnicos e adestradores de alto nivel serán catro tipo de axudas: TA 1 (ata 4.000 euros); TA 2 (ata 3.000 euros); TA 3 (ata 2.000 euros) e TA 4 (ata 1.000 euros). Por último, as axudas para os xuíces e árbitros de alto nivel serán: XA 1 (ata 3.000 euros), XA 2 (ata 2.000 euros) e XA 3 (ata 1.000 euros).
Cómpre lembrar que ademais desta convocatoria de axudas, a semana pasada a Xunta aprobaba a última resolución das Axudas Galicia-París 2024 que supuxeron un total de 65 axudas por un importe total de 436.500 euros para a participación dos deportistas nos Xogos Olímpicos e Paralímpicos de París 2024. En total, a contía das axudas concedidas ás persoas deportistas do alto nivel ao longo deste exercicio volve rachar o teito histórico e supera o investimento realizado en 2023, cando se d