Nova
25/01/2017
Federativas

A secretaria xeral para o Deporte sitúa a rehabilitación das instalacións deportivas como unha prioridade para que todos os galegos poidan facer deporte nas mellores condicións

Visita as instalacións do Monte Real Club de Iates de Baiona para o impulso da vela adaptada en Galicia e asegura que “a Xunta promoverá sempre o deporte como unha vía de inclusión social e desenvolvemento para as persoas con diversidade, ben sexa física, psicosocial, cognitiva ou sensorial”

Baiona (Pontevedra), 25 de xaneiro de 2017.- A secretaria xeral para o Deporte, Marta Míguez Telle, supervisou no día de hoxe as obras de de renovación levadas a cabo no pavillón deportivo de Covaterreña. Ao abeiro destas actuacións, a Xunta de Galicia financiou integramente a renovación do pavimento deportivo e trasdosado da fachada sur da infraestrutura sita no CPI Covaterreña. O importe das actuacións ascendeu a 47.863,78 euros.
Na súa visita, a secretaria xeral situou a rehabilitación das instalacións deportivas de Galicia como unha prioridade da Xunta de Galicia para que todos os galegos e galegas poidan facer deporte nas mellores condicións. “Para ter os mellores deportistas, debemos ter as mellores instalacións”, asegurou. 
Ademais, a máxima responsable visitou ás instalacións do Monte Real Club de Iates de Baiona para continuar avanzando no impulso da vela adaptada. N          esta liña, Marta Míguez valorou o traballo do único club de Galicia que realiza iniciativas deste tipo e subliñou a importancia da integración para aquelas persoas que sofren dificultades. “A Xunta de Galicia promoverá sempre o deporte como unha vía de inclusión social e desenvolvemento para as persoas con diversidade, ben sexa física, psicosocial, cognitiva ou sensorial”, concluíu.