Nova
06/04/2019
Institucionais

A Xunta de Galicia lamenta o pasamento de Jesús Lence, “unha figura irrepetible para o desenvolvemento económico e deportivo de Galicia”

Santiago, 6 de abril de 2019-. A Secretaría Xeral para o Deporte, a través do seu titular. José Ramón Lete Lasa, lamenta profundamente o pasamento de Jesús Lence, ao que definiu como “unha figura irrepetible para o desenvolvemento económico e deportivo de Galicia”. Do mesmo xeito, a Xunta de Galicia transmite as súas condolencias a toda a familia do tecido empresarial e deportivo de Galicia, especialmente á súa familia lucense.

Jesús Lence, dixo o secretario xeral, “foi un gran emprendedor, unha persoa que conseguiu formar con traballo e dedicación un grupo lácteo galego de referencia e desde aí decidiu ser un dos mecenas máis importantes do deporte galego, apoiando e patrocinando equipos de baloncesto, fútbol ou automobilismo en toda Galicia”. “Jesús Lence demostrou que o patrocinio privado da actividade deportiva é unha fórmula de éxito”, engadiu.

A empresa de Jesús Lence, Leche Río, foi galardoada en 2013 en Ourense coa Distinción ao Mérito Deportivo de Galicia pola súa contribución ao desenvolvemento do deporte na comunidade galega.